Aðalfundur Rótarinnar verður haldinn miðvikudaginn 7. maí, kl. 16.30, í Kvennaheimilinu að Hallveigarstöðum, Túngötu 14, 101 Reykjavík.
Á dagskrá eru hefðbundin aðalfundarstörf sbr. lög félagsins. Kosið verður í ráð sem fer með ákvörðunarvald félagsins milli aðalfunda. Að þessu sinni er kosið um tvö sæti í ráðinu og tvö í vararáði. Við hvetjum áhugasama félaga til að bjóða sig fram eigi síðar en 30. apríl.
Í ráði Rótarinnar sitja fimm aðilar og tveir í vararáði. Ráðið hittist u.þ.b. einu sinni í mánuði eða ca. 9 sinnum á ári. Fundir eru ýmist staðfundir eða á netinu.
Þátttakendur eru vinsamlega beðnir að skrá sig á aðalfundinn hér. Á sama eyðublaði er hægt að skrá framboð til trúnaðarstarfa og tillögur og ályktanir til umræðu á fundinum, einnig má senda þær á netfangið rotin@rotin.is eigi síðar en 30. apríl.
Athygli er vakin á því að tillögur um lagabreytingar skal leggja fram til ráðs a.m.k. fimm dögum fyrir aðalfund, eða eigi síðar en 2. maí og skal senda þær á rotin@rotin.is. Lög Rótarinnar má nálgast hér.
Dagskrá aðalfundar er:
- Fundur settur.
- Kosning fundarstjóra og fundarritara.
- Skýrsla ráðs fyrirliðið starfsár.
- Reikningar félagsins lagðir fram til umræðu og gengið til atkvæða um þá.
- Lagabreytingar
- Kosning aðal-og varafulltrúa í ráð.
- Kosning á skoðunaraðilum reikninga.
- Ákvörðun félagsgjalda.
- Tillaga ráðs umstarfsreglur og starfsáætlun næsta starfsár.
- Önnur mál.
Frekari upplýsingar fást hjá Kristínu I. Pálsdóttur í netfanginu kristin@rotin.is eða í síma 793-0090.
Markmið Rótarinnar eru:
- Að vera málsvari kvenna og kvára sem eiga sögu um áföll og/eða vímuefnavanda og að beita sér fyrir mannréttindum og velferð þeirra.
- Að beita sér fyrir faglegri stefnumótun sem hefur að leiðarljósi skaðaminnkun, mannréttindi og áfalla- og kynjamiðaða þjónustu.
- Að stuðla að rannsóknum og beita sér fyrir öflun þekkingar, upplýsinga og úrvinnslu fyrirliggjandi gagna um þessi málefni konum og kvárum til góða.
- Að efla samstarf á milli stofnana, samtaka og annarra fagaðila og halda fyrirlestra, standa að ráðstefnum og námskeiðum, eitt eða í samráði við aðra.
- Að reka Konukot sem er neyðarskýli fyrir heimilislausar konur í Reykjavík samkvæmt þjónustusamningi við Reykjavíkurborg.
