Námskeiðið er þróað innan Rótarinnar.
Fyrir hverjar
Námskeiðið er fyrir konur sem hafa upplifað fjölskylduslit. Skráning fer fram hér!
Markmið
Markmið námskeiðsins er að konur sem hafa upplifað fjölskylduslit finni fyrir þeim krafti sem býr innra með þeim og stuðningi hver frá annarri til þess, m. a., að létta á skömm og sektarkennd og að þátttakendur öðlist betri þekkingu og skilning á aðstæðum sínum.
Aðferð
Námskeiðið byggir annars vegar á fræðilegum kenningum og rannsóknum og hins vegar á reynslu þátttakenda í ljósi fræðanna. Farið verður yfir sögu þátttakenda, eins og hver og ein er tilbúin að segja frá. Rætt verður um afleiðingar þess að hafa orðið fyrir ofbeldi í skjóli fjölskyldu, og annarra sem við treystum, skömm og sektarkennd og um hver upplifun þátttakenda er af höfnun af hendi fjölskyldumeðlima. Fjallað um fyrirgefningarhugtakið en stundum er krafan um fyrirgefningu notuð til að stjórna þolendum. Seigla þátttakenda og styrkur eru kortlögð og fjallað um leiðina til bata að tilgangsríku lífi í sátt við okkur sjálfar. Að lokum deila þátttakendur með sér ýmsum hagnýtum leiðum til að takast á við það að vera ekki í tengslum við fjölskyldumeðlimi og hvernig hægt er að taka sér pláss án þess að misbjóða sjálfri sér. Í lok hvers tíma er heimaverkefni kynnt sem mælt er með að þátttakendur vinni til að fá sem mest út úr námskeiðinu.
Skipulag
Námskeiðið er fimm skipti, 90 mínútur í senn, og hefst 4. nóvember og lýkur 13. janúar.
Umfjöllunarefni:
- Sögurnar okkar
- Flóknar tilfinningar í kjölfar fjölskylduslita; sektarkennd, skömm, höfnun, svik, sorg, léttir
- Fyrirgefning og reiði
- Seigla okkar og styrkur. Framhaldið.
- Að taka sér pláss. Hagnýtar leiðir til að takast á við það að vera ekki í tengslum við fjölskyldumeðlimi.
Leiðbeinendur og verkefnisstjórn
Leiðbeinendur á námskeiðinu eru Guuðrún Ebba Ólafsdóttir og Katrín G. Alfreðsdóttir. Verkefnisstjóri er Kristín I. Pálsdóttir. Sjá nánar.
Verð
30.000 kr.
Hvenær
Námskeiðið hefst 4. nóvember 2019 og því lýkur 13. janúar 2020.
Dagsetningar, mánudagar kl. 17.15-18.45.
| Tími | Dagsetning |
| 1 | 4. nóvember |
| 2 | 11. nóvember |
| 3 | 18. nóvember |
| 4 | 25. nóvember |
| 5 | 13. janúar |
Hámarksfjöldi er 8 þátttakendur.
Þátttakendur eru hvattir til að sækja fundi í Rótarhópnum á miðvikudögum kl. 19.15 að loknu námskeiðinu.
Ath! Fimmti tíminn frá vornámskeiði 2019 verður mánudaginn 2. september kl. 17.15-18.45